گل عمو اوغلی

متن ترانه گل عمو اوغلی

گل عمو اوغلی باشیمی آل دیزیوه
توکمه گوز شبنمیوی گل یوزیوه
آیریلیق دوزدی چتین مرحله دی
آغلاما فاطمه قربان گوزیوه
گل غنیمتدی بو آخر نفسیم
صون نفسده منیم اول دادرسیم
بولوسن ئولماقا وار چوخ هوسیم
آغلاما فاطمه قربان گوزیوه
نه روا مجلس شورا قورالار
رای آلوب درگهیمی یاندیرالار
نیلمیشدیم منه سیلی ورالار
آغلاما فاطمه قربان گوزیوه

بزم خلوتگه یاره گدیرم
دلخوشام وصل نگاره گدیرم
حیف اولا سینه ده یاره گدیرم
آغلاما فاطمه قربان گوزیوه
دیسه جدّیم که بو رخساره ندور
یوزده کی سینه ده کی یاره ندور
نه دیوم من باباما چاره ندور
آغلاما فاطمه قربان گوزیوه
سنی شاهد توتورام بو سوزومه
لیل تار اولدی ایشیق گون گوزیمه
دییرم سیلی ویربلار یوزمه
آغلاما فاطمه قربان گوزیوه

بیر یارام وار یاراسی بیتمیه جاق
حشر اولونجا منی ترک اتمیجاق
قنفذین قمچی یری گتمیه جاق
آغلاما فاطمه قربان گوزیوه
قوی ئولوم قورتولوم ای شاه زمن
قالمیوم بو غم ایامیله من
سرّیمی غسل ورنده بولسن
آغلاما فاطمه قربان گوزیوه
سینم اوسته من حسین بسله میشم
سسلینده اوناجان سسلمیشم
بولمورم خولیه من نینمیشم
آغلاما فاطمه قربان گوزیوه